Лунькова, В. Я люблю Шамякіна! : [бібліятэка-філіял № 2] / Вольга Лунькова // Магілёўскія ведамасці. — 2021. — 5 лютага. — С. 14.
Пад такой назвай у бібліятэцы-філіяле № 2 імя І.Шамякіна УК «Цэнтралізаваная сістэма дзяржаўных публічных бібліятэк г.Магілёва» прайшла сецевая фотаакцыя. Далучыцца да яе змаглі ўсе тьія, хто ведае, любіць і цэніць творчасць знакамітага беларускага пісьменніка Івана Пятровіча Шамякіна, 100-годдзе з дня нараджэння якога адзначае беларуская зямля 30 студзеня 2021 года.
Не засталіся ўбаку ад такой магчымасці выказаць падзяку майстру слова за цудоўныя творы вучні і настаўнікі ДУА «Сярэдняя школа №45 г.Магілёва». Творы І.Шамякіна закранаюць душу чытача рознага ўзросту сваёй душэўнасцю, праўдзівасцю і шчырасцю. Каханне, вайна, чалавечнасць, прыгажосць чалавечай душы, гістарычнае мінулае — вось далёка не поўны пералік тэм твораў цудоўнага майстра слова. Нездарма многія творы пісьменніка былі экранізаваны.
Творы І.Шамякіна будзе чытаць яшчэ не адно пакаленне не толькі беларусаў, але і людзей іншых нацыянальнасцяў.