Аб’яднацца і рухацца наперад : [Прэзідэнт Беларусі сустрэўся з актывам Магілёўскай вобласці] // Настаўніцкая газета. — 2021. — 16 снежня. — С. 2.
Перад тым, як прадставіць новага губернатара Анатоля Ісачанку, Аляксандр Лукашэнка прапанаваў пагава-рыць па актуальных пытаниях парадку дня:
— Думаю, усім будзе ціка-ва, чым дыхае знутры наша Магілёўшчына.
Начальнік ўпраўлення Камітэта дзяржаўнай бяспекі Ігар Паўлюшчанка коратка далажыў аб сацыяльна-палітычнай сітуацыі, якая складваецца ў рэгіёне, рэагаванні на новыя выклікі і пагрозы бяспекі. Сацыяльна-палітычную сітуацыю ў рэгіёне ён назваў у цэлым стабільнай і кантралюемай. Пры гэтым падкрэсліў неабходнасць работы і рэагавання на так званыя трыгеры ў пытаннях праблем сацыяльна-эканамічнага характеру ў рэгіёне з боку мясцовай улады, дырэктараў прадпрыемстваў.
— Вы ў некаторай ступені самазаспакоіліся, — заўважыў Прэзідэнт. — Так, у нас, нібыта, у Магілёўскай вобласці не вельмі шумелі, крычалі, але трэба разумець, што гэта вяршыня айсберга — тое, што мы бачылі ў мінулым годзе. Што там ніжэй, залежыць ад сацыяльна-эканамічнага развіцця, узроўню і поспехаў Магілёўскай вобласці. Мы проста не можам дапусціць паўтарэння (мінулагодніх падзей. — Заўвага БелТА.). Каб нам не давялося зноў па вуліцы з аўтаматамі бегаць.
Сваё бачанне сітуацыі агучыў і начальнік абласнога ўпраўлення ўнутраных спраў Ігар Шчарбачэня. Паводле яго слоў, намаганні міліцыі цяпер накіраваны на спыненне дэструктыўнай дзейнасці, устанаўленне асоб, якія маюць дачыненне да экстрэмісцкай дзейнасці.
Аляксандр Лукашэнка пацікавіўся, які раён у Магілёўскай вобласці непакоіць праваахоўнікаў у першую чаргу з пункту гледжання злачыннасці. Як адзначыў начальнік абласнога ўпраўлення ўнутраных спраў, асаблівую ўвагу міліцыя ўдзяляе Магілёву і Бабруйскаму раёну.
Кіраўнік дзяржавы звярнуў асаблівую ўвагу на праблему падзяжу жывёлы і нагадаў, што ставіў адпаведныя задачы ў гэтай сферы і праваахоўнікам пасля таго, як на прадпрыемствах былі выяўлены злачынныя схемы:
— Я неяк сказаў, што без міліцыі мы парадку не навядзём. Калі вы не падключыцеся, не паставіце тут усіх на месца гультаёў і зладзюг, не гледзячы на асобы і званні, — толку не будзе.
Аб эпідсітуацыі Прэзідэнт пацікавіўся ў намесніка старшыні Магілёўскага аблвыканкама Валерыя Малашкі. Паводле яго слоў, інтэнсіўнасць захваральнасці на COVID-19 у вобласці зніжаецца. На яго думку, гэта адбываецца дзякуючы сур’ёзнай рабоце з насельніцтвам у частцы выканання мер прафілактыкі. Акрамя таго, 50 працэнтаў насельніцтва ў рэгіёне прышчэплены першым кампанентам вакцыны. Як лічыць намеснік старшыні аблвыканкама, своечасова ўвёўшы меры прафілактыкі, забяспечыўшы медыцынскія ўстановы неабходным абсталяваннем, падрыхтаваўшы кадры, гэтую бітву беларусы выйгралі.
Перад актывам таксама выступіў кіраўнік ААТ»Магілёўхімвалакно» Пётр Руднік. Ён далажыў абсітуацыі на прадпрыемстве, у тым ліку аб пытаннях мадэрнізацыі, асваенні новых відаў прадукцыі, забеспячэнні рэнтабельнай працы. Для далейшага развіцця спатрэбіцца мадэрнізацыя вытворчасці. Для абмеркавання шляхоў вырашэння існуючых праблем і вызначэння шляхоў развіцця «Магілёўхімвалакна» гендырэктар прапанаваў арганізаваць візіт Прэзідэнта на прадпрыемства.
Прэзідэнт Беларусі ў сваім выступленні падкрэсліў важнасць развіцця і эфектыўнага функцыянавання эканомікі і сацыяльнай сферы — гэта з’яўляецца гарантыяй стабільнасці ў дзяржаве. Ён адзначыў, што сёння не варта спасылацца ў тым ліку на санкцыі, не будзе іх — усё роўна таму ж ААТ «Магілёўхімвалакно» лягчэй не будзе. Як толькі там будуць выпускаць канкурэнтаздольную прадукцыю, ініцыятары санкцый на Захадзе знойдуць нешта іншае.
Аляксандр Лукашэнка падкрэсліў, што важна не адставаць у пытанні інвесціравання, развіцця вытворчай сферы:
— Адстанем у інвестыцыях — усё. У нас жа няма нафты,труба не пампуе, газу няма. Таму ўсё залежыць ад нас. I разлічваць на тое, што нам будзе лягчэй… Я не прыехаў, каб вам гэта сказаць. Нам будзе вельмі складана. I далей усё будзе складаней І складаней. Справа не ў нашых выбарах, справа не ў «дыктатуры», справа не ў Лукашэнку. Паглядзіце, што робіцца ад ЗША да Еўропы. Ну, мы ўжо ўсяму свету паказалі, што яны нягоднікі. Адно гавораць, другое думаюць, трэцяе робяць. Мы ўжо ўсяму свету гэта паказалі. Справа не ў гэтым. Справа ў геапалітыцы.
У сувязі з гэтым Прэзідэнт нагадаў і аб актыўнасці HATA і ЗША ў Чорным моры і не толькі:
— Спрабуюць націскаць на Расію. Чорнае мора, Украіна, Прыбалтыка, вакол Калінінграда. Мы ж гэта бачым, адсочваем. У нас адзіная сістэма ППА… Нам трэба выстаяць. Усе гэтыя санкцыі, націск, кібератакі — гэта небяспечная справа. Не трэба ядзерную зброю. Кібератакі на асноўныя аб’екты жыццезабеспячэння,і больш нічога не трэба. Таму для нас гэта вельмі сур’ёзная небяспека.
Беларускі лідар закрануў і тэму абнаўлення Канстытуцыі, падкрэсліўшы, што гэта робіцца для таго, каб засцерагчы краіну. На яго погляд, трэба сур’ёзна ставіцца да будучых палітычных мерапрыемстваў, таму нельга дапусціць, як кажуць у народзе, ніякіх розначытанняў і разнабою. Трэба аб’яднацца і рухацца наперад.
У час прадстаўлення новага старшыні Магілёўскага аблвыканкама Прэзідэнт адзначыў, што Магілёўская вобласць адчувальна прыбавіла па асноўных параметрах развіцця, і падзякаваў за работу ранейшаму губернатару Леаніду Зайцу, які, па рашэнні кіраўніка дзяржавы, назначены членам Савета Рэспублікі. Кіраўнік дзяржавы асабліва адзначыў, што заўсёды ў размо-ах Леанід Заяц называў Магілёўскую вобласць сваёй. I гэта азначае, што ён сапраўды ўспрымаў яе як родную.