Чарнякевiч, Ю. Касцюмы ў стылi Сапегi [у Музеi гiсторыi Магiлёва пашылi калекцыю касцюмаў у стылiстыцы эпохi Магдэбурскага права] / Юрый Чарнякевiч // Культура. — 2016. — 30 студзеня. — С. 3.
Калі нехта хоча напоўніцу адчуць сябе ў ролі канцлера Вялікага Княсгва Літоўскага ці карат Рэчы Паспалітай, дык яму абавязкова трэба завітаць у Музей гісторыі Магілёва. Ва ўстанове культуры на пачатку года скончылі пашыў калекцыі касцюмаў у стылістыцы эпохі Магдэбургскага права.
Як распавёў «К» дырэктар Музея гісторьіі Магілёва Аляксей Бацюкоў, касцюмы — 4 дарослыя і 20 дзіцячых — ствараліся паступова цягам мінулага года мастаком Марынай Несцярук.
— Па стылістыцы дарослыя касцюмы адпавядаюць эпосе Магдэбургскага права, зроблены «пад Льва Сапегу» ці «пад Стэфана Баторыя», — кажа Аляксей Бацюкоў. — А касцюмы для дзяцей, разлічаныя на хлопчыкаў і дзяўчынак розных узрос-таў, — больш простыя, можна сказаць, толькі крыху стылізаваныя пад гістарычныя і адпаведныя той эпосе.
Пад пашыў касцюмаў установай культуры былі асвоены дзяржаўныя грошы. I ужо сёння, кажа кіраўнік музея, вырабы Марыны Несцярук выкарыстоўваюцца падчас самых розных агульнагарадскіх мерапрыемстваў, у многіх імпрэзах і акцыях. Да таго ж, як патлумачыў Аляксей Бацюкоў, з гзтага года кожны маленькі наведвальнік установы культуры зможа прымерыць гэтыя строі на сабе ды сфатаграфавацца ў іх сярод інтэр’ераў ратушы. Прычым — абсалютна бясплатна!
I апошняе. Сваю «магдэбургскую» калекцыю музейшчыкі, натуральна, хаваць ад людскіх вачэй не збіраюцца. Таму зладзяць прэзентацыю арыгінальных касцюмаў у гарадской ратушы Магілёва ўжо ў наступны панядзелак — 1 лютага.