«Восеньскія сустрэчы»

5 кастрычніка адбылося чарговае пасяджэнне аматарскага аб’яднання – літаратурнага кафэ «У коле сяброў». Гасцямі паэтычнай вечарыны «Восеньскія сустрэчы» сталі творчыя людзі Магілёва – мастакі З.М.Ляўчэня і П.М.Печанькоў.

Гэтых абодвух цікавых асоб аб’ядноўвае яшчэ адзін талент, – на сустрэчы яны выступілі як вершатворцы.

Зінаіда Сяргееўна Ляўчэня прадставіла кнігу «Наше слово – вам». Гэта новы 7-мы зборнік літаратурнага аб’яднання «Ветэран». Яна прачытала змешчаную ў кнізе літаратурную замалёўку «У згодзе з прыродай» і верш «Малая радзіма», расказала многа цікавага са сваёй біяграфіі ў вершаванай і празаічнай форме.

Вершы Пятра Міхайлавіча Печанькова ўспрымаліся публікай са шчырай усмешкай, таму што напісаны яны з гумарыстычным і іранічным поглядам на наша жыццё і быт.

Удзельнікі мерапрыемства былі ўдзячны нашым гасцям за падораныя цудоўныя імгненні сустрэчы з паэтычным словам.