20 і 21 верасня навучэнцы 11-ых класаў ДУА «Сярэдняя школа № 27, 37 г. Магілёва» сталі ўдзельнікамі інтэграванага ўроку “Сэрца на далоні часу”.

Пачалося мерапрыемства з міні-экскурсіі па выставачнай экспазіцыі, прысвечанай аўтару, у межах якой удзельнікі пазнаёміліся з біяграфіяй Івана Шамякіна і яго творчасцю. Прысутныя з увагай слухалі аповед аб народным пісьменніку Беларусі, які належыць да пакалення творцаў, маладосць якіх была апалена і загартавана вайной.

Затым навучэнцаў запрасілі на літаратурную гадзіну «Чалавек вялікай душы і таленту», у ходзе якой былі прагледжаны фрагменты з мастацкіх фільмаў, знятых па творах пісьменніка і праслуханы музычныя кампазіцыі, якімі захапляўся пісьменнік.

Скончыўся ўрок праглядам дакументальнай стужкі “Імгненне жыцця”, па жыццёваму і творчаму лёсу пісьменніка.