На працягу красавіка кожны беларускі чацвер у бібліятэцы быў прысвечаны тэме “Таленты роднай зямлі”.

У гэтыя дні наведвальнікі бібліятэкі слухалі беларускія песні, з задавальненнем адказвалі на пытанні віктарыны “Людзі зямлі беларускай”. 19 красавіка для чытачоў была арганізавана акцыя па распаўсюджванню закладак з вершамі магілёўскіх пісьменнікаў «Нашы таленавітыя землякі».

26 красавіка наведвальнікі бібліятэкі мелі магчымасць пазнаёміцца з талентамі зямлі магілёўскай. У фае на працягу дня дэманстравалася слайд-падарожжа “Літаратурныя таленты Магілёўшчыны”, дзе чытачы знаёміліся з творчасцю сучасных літаратараў, якія ўваходзяць у Магілёўскае абласное аддзяленне грамадскага аб’яднання “Саюз пісьменнікаў Беларусі”.

Таксама на працягу месяца дэманстравалася выстава-прагляд “Таленты ад роднай зямлі».