Зараз ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. Менавіта на гэтай мове ён размаўляе з роднымі, сябрамі, знаёмымі.

Кожны год бібліятэка ладзіць мерапрыемствы з нагоды гэтай знамянальнай даты. Сёлета, 21 лютага, ўпершыню ўдзельнікамі гэтых урачыстасцей сталі выхаванцы дзіцячага садка № 88 г. Магілёва. Дзеці зрабілі літаратурнае падарожжа «Мая беларуская кніга», дзе пазнаёміліся з беларускімі дзіцячымі кніжкамі, а згуляўшы ў інтарактыўную гульню «Лесвіца-славесніца», адкрылі для сябе новыя беларускія словы і даведаліся аб іх значэнні .

Непасрэдна ў бібліятэцы ў гэты дзень з чытачамі было праведзена анкетаванне «Беларуская кніга ў маім жыцці» і гульня «Моўная пілюля», дзе ў апошняй, было патрэбна перавесці беларускае слова на рускую мову, альбо проста растлумачыць яго сэнс. На конкурс эрудытаў беларускай мовы «Такія знаёмыя назвы і словы, такая цудоўная родная мова» завіталі навучэнцы ДУА «Сярэдняя школа № 5 г. Магілёва». Напярэдадні гульні дзецям нагадалі гістарычны шлях беларускай мовы, у напружанай барацьбе за перамогу яны выканалі падрыхтаваныя для іх заданні,а таксама з цікавасцю паразважалі на тэму «Што патрэбна зрабіць, каб беларуская мова гучала?». На памяць аб сустрэчы былі зроблены фотаздымкі ў фотазоне «Беларусам быць модна!» і вучні прынялі ўдзел ў сеткавай акцыі «#БУКЛУК_КНІГА!НАТХНЯЕ».