Бібліятэка прыняла ўдзел у святкаванні Міжнароднага дня роднай мовы. У бібліятэцы прайшла акцыя «Родная мова – любоў мая».

На працягу ўсяго дня супрацоўнікі бібліятэкі размаўлялі з чытачамі на беларускай мове. З вялікім задавальненнем вучні 2-х класаў сярэдняй школы № 25  прымалі ўдзел у літаратурных віктарынах. Разам чыталі беларускія народныя казкі,  вершы, выконвалі песні, называлі прыказкі і прымаўкі. Маленькім чытачам супрацоўнікі бібліятэкі расказалі аб тым, што наша мова самастойная, старажытная і вельмі прыгожая, што на беларускай мове напісана вялікая кольцасць цудоўных твораў для дзяцей. З цікавымі кнігамі на роднай мове была магчымасць пазнаёміцца на выставе «Цудоўны дар – родная мова».

Напрыканцы сустрэчы  кожны атрымаў верш на роднай мове вядомых беларускіх пісьменнікаў, супрацоўнікі бібліятэкі прапанавалі хлопчыкам і дзяўчынкам, як мага больш чытаць і размаўляць па-беларуску.