6 сакавіка для навучэнцаў ДУА “Сярэдняя школа № 25 г. Магілёва” прайшла гістарычная гадзіна “Славутыя ва ўсе вякі”, якая пазнаёміла ўсіх прысутных з выдатнымі жанчынамі нашай краіны, якія былі прыкладам дабрачыннасці, вернасці, любові да роднай зямлі.

На Беларусі было шмат жанчын з незвычайным лёсам. Яны жылі ў розныя часы, мелі розныя характары, імкненні, па-рознаму складаўся іх лёс. Есць сярод іх тыя, хто адыграў вялікую ролю ў палітыцы, культуры, літаратуры.

Хлопчыкі і дзяўчынкі пазнаёміліся з жыццевым шляхам такiх знакамітых жанчын, як князёўна Рагнеда і Еўфрасіння Полацкая, Барбара Радзівіл, паэткамі Канстанцыяй Буйло, Ларысай Геніюш.

Даведаліся аб героях Савецкага Саюза Алене Мазанік, Марыі Осіпавай, Надзеі Траян, якія рызыкуючы сваім жыццем знішчылі ката беларускага народа Вільгельма Кубэ, аб Настассі Фамінічне Купрыянавай, маці-патрыёткі, што ў Айчынную вайну выправіла абараняць Радзіму пяць сыноў, якія загінулі на франтах Вялікай Айчыннай.

Але, галоўнае, што мы ўсе павінны памятаць пра жанчын: яны даруюць нам жыццё, сваю любоў, шчырасць і ласку.