Дакрануліся сэрцам да роднага слова

Дзень роднай мовы – святочны дзень і нагода яшчэ раз задумацца аб лёсе той адзінай, якую мы завём матчынай, на якой думаем, на якой вымавілі першае слова, на якой размаўлялі нашы продкі і пакінулі нам запавет — любіць і шанаваць роднае слова.

 Публічныя бібліятэкі горада Магілева да свята падрыхтавалі разнабаковую праграму — моўны марафон “Паўгадзіны з роднай мовай”.

Так, цэнтральная гарадская бібліятэка імя К. Маркса запрасіла магіляўчан на татальную дыктоўку “Прага да ведаў”. У рамках літаратурнага бамонда прайшлі творчыя сустрэчы з пісьменнікамі: Вольгай Бяловай (бібліятэка-філіял № 9 імя Я. Купалы), Аленай Беланожка (бібліятэка-філіял № 2 імя І. Шамякіна) і Жаннай Міус (дзіцячая бібліятэка-філіял імя А. С. Пушкіна).

 Удзельнікам моўнага практыкума «БЕЛАРУСКАЯ МОВА. ПЕРАЗАГРУЗКА», эрудытам і знатакам беларускай мовы былі прапанованы шматлікія конкурсы, турніры, гульні, квэсты, рэбусы: “Як сказаць па-беларуску?” (бібліятэка-філіял № 4 імя М. Ю. Лермантава), “Такія знаёмыя назвы і словы, такая цудоўная родная мова” (бібліятэка-філіял № 6), “У пошуках папараць-кветкі” (бібліятэка-філіял № 9 імя Я. Купалы), “Перакладзі на родную мову гэтыя словы” (дзіцячая бібліятэка-філіял № 4), “Крок да роднай мовы” (дзіцячая бібліятэка-філіял № 10).

Радушна вітала юную публіку і пазнаёміла з побытам беларусаў літаратурная гасцёўня “Дзень добры, беларуская хатка!” дзіцячай бібліятэкі-філіяла № 3.

Цікава правялі свой вольны час і тыя з юных чытачоў, хто завітаў ў бібліятэкі на бібліясказы на роднай мове. Дзіцячая бібліятэка-філіял № 2 прапанавала сваім чытачам паглядзець імерсіўны літаратурны спектакль “Чароўны кошык” з удзелам тэатральнага калектыва “Амплуа” Магілёўскай дзіцячай школы мастацтваў № 6, а вось дзіцячая бібліятэка-філіял № 9 падрыхтавала інтэрактыўны спектакль народнага тэатра «Батлейка». Бібліятэка-філіял № 1 імя Я. Коласа ладзіла гучныя чытанні па кнізе Я. Коласа “Казкі жыцця”.

Шматлікую зацікаўленую і крэатыўную публіку фотамастакоў і фотааматараў знайшла і сеткавая акцыя “#БУКЛУК_КНІГА!НАТХНЯЕ”.

Адным словам, багатая і мілагучная родная мова гучала ў сценах усіх бібліятэк. Сапраўды, у спадчыну нам засталася ўнікальная мова — жывая, песенная і старажытная… Яна заслугоўвае таго, каб родную мову любілі , на ёй гаварылі і шанавалі!

ЦГБ імя К. Маркса

Бібліятэка-філіял № 1 імя Я. Коласа

Бібліятэка-філіял № 2 імя І. Шамякіна

Бібліятэка-філіял № 4 імя М.Ю. Лермантава

Бібліятэка-філіял № 6

Бібліятэка-філіял № 9 імя Я. Купалы

Дзіцячая бібліятэка імя А. С. Пушкіна

Дзіцячая бібліятэка-філіял № 2

Дзіцячая бібліятэка-філіял № 3

Дзіцячая бібліятэка-філіял № 4

Дзіцячая бібліятэка-філіял № 8

Дзіцячая бібліятэка-філіял № 9

Дзіцячая бібліятэка-філіял № 10