25 чэрвеня, у рамках Года малой радзімы, адкрылася наступная выстава-экспазіцыя творчых работ магілёўскага мастака-графіка Буга Віктара Васільевіча “Таленты зямлі магілёўскай”.

Віктар Васільевіч нарадзіўся і жыве ў горадзе Магілёве, скончыў мастацка-графічны факультэт Віцебскага інстытута імя Кірава, у якім некаторы час выкладаў. Большую частку жыцця працаваў мастаком, дызайнерам.

Віктар Васільевіч мае вялікі вопыт працы ў выяўленчым мастацтве. На творчасць аўтара аказалі ўплыў мастакі-авангардысты Казімір Малевіч і Марк Шагал.

Выстава будзе працаваць з 25 чэрвеня па 25 ліпеня. Запрашаем усіх жадаючых.