Грэчка, Ігар. Падзяліцца творчасцю / Ігар Грэчка // Настаўніцкая газета. — 2018. — 5 красавіка. — С. 8.
Велічны ўтульны палац, у якім уладараць творчасць і талент… Сваімі памерамі і адметным знешнім выглядам галоўны будынак Абласнога цэнтра творчасці сапраўды нагадвае палац. I пануе ў яго просторных залах не толькі атмосфера творчасці, але і радасны настрой. Інакш не можа быць. Творчасць заўсёды прыносіць радасць, а заняткі любімай справой дораць душэўную цеплыню. Часцінкамі сваёй радасці, таленту, душэўнай цеплыні і падзяліліся з супрацоўнікамі «Настаўніцкай газеты» педагогі і навучэнцы вядучай установы дадатковай ад укацыі дзяцей і моладзі Магілёўскай вобласці.
Тое, што ў цэнтры створана асаблівая атмасфера творчага пошуку і камфортныя ўмовы для поўнага, цікавага, актыўнага жыцця выхаванцаў (менавіта такімі словамі сустракае навучэнцаў і іх бацькоў галоўная старонка сайта ўстановы), пераканацца вельмі проста. Для гэтага неабходна пасля абеду (калі заняткі ў школах заканчваюцца і дзеці спяшаюцца ў Абласны цэнтр творчасці раскрываць свае таленты, займацца любімай справай), а лепш заўсё ў суботу, наведацца ў галоўны будынак цэнтра. Дзяцей і іх бацькоў тут столькі, што, здаецца, трапляеш у вялікі горад з насельніцтвам некалькі тысяч чалавек.
— Абласны цэнтр творчасці — адна з найбуйнейшых устаноў дадатковай адукацыі дзяцей і моладзі краіны. Найбуйнейшая з пункту гледжання разгалінавання структуры, прадстаўленых напрамкаў і колькасці навучэнцаў. Цяпер у цэнтры вучацца 8115 дзяцей. У нас 15 структурных падраздзяленняў, прадстаўлены ўсе профілі дадатковай адукацыі, пачынаючы з самага буйнога — мастацкага — профілю. Заняткі аб’яднанняў па інтарэсах спартыўна-тэхнічнага, эколага-біялагічнага і турыстычна-краязнаўчага профілю праходзяць на асобных пляцоўках, адпаведныя аддзелы займаюць асобныя будынкі, — паведаміў дырэктар цэнтра заслужены работнік адукацыі Рэспублікі Беларусь Леанід Мікалаевіч Мінаў.
У самым шматлікім аддзеле мастацкай адукацыі штогод займа ецца больш за 2 тысячы хлопчыкаў і дзяўчынак. “Заняткі аб’яднанняў праходзяць у асаблівай добразычлівай атмасферы. Тут не ставяць адзнак і не задаюць дамашніх заданняў. Тут вучаць дзяцей рабіць важныя і карысныя рэчы, фантазіраваць, маляваць, ляпіць, шыць, танцаваць, спяваць, іграць на музычных інструментах. Адпаведна, асноўнымі напрамкамі дзейнасці з’яўляюццавакал.харэаграфія, выяўленчая і дэкаратыўна-прыкладная творчасць”, — падзялілася загадчык аддзела Ірына Аляксандраўна Кулікова.
Калектыў палаца ганарыцца педагогамі, імёны якіх вядомы не толькі ў Магілёве, але і ў рэспубліцы. Гэта выдатнікі адукацыі Рэспублікі Беларусь Нэлі Мікалаеўна Бардунова, Людміла Анатольеўна Жукава, Алег Іванавіч Філімонаў. 3 калектывамі, якія маюць званні “заслужаны”, “народны” ці “ўзорны”, і пазнаёміліся ўдзельнікі прэс-туру. Такіх калектываўу цэнтры 11. У пер шую чаргу гэта заслужаныя аматарскія калектывы Рэспублікі Беларусь — тэатр-студыя “Вясёлка” і ансамбль народнай песні “Ярыца”. Не менш славутыя ўзорная тэатральная студыя “Экстрым”, узорны тэатр гульні і юных вядучых “БімБом”, народны аркестр народных інструментаў “Крынічка”, узорная студыя выяўленчай і дэкаратыўна-прыкладной творчасці “Тон”, узорная студыя дэкаратыўнапрыкладной творчасці “Фітадызайн”, узорная студыя моды “Авангард”, узорны харэаграфічны ансамбль “Крынічка”, узорны ансамбль “Руская песня” і ўзорная вакальная студыя “Фантазія”.
Асаблівым гонарам вядучай установы дадатковай адукацыі дзяцей і моладзі Магілёўскай вобласці з’яўляецца заслужаны аматарскі калектыў Рэспублікі Беларусь тэатр-студыя “Вясёлка”, мастацкім кіраўніком якога з’яўляецца Нэлі Мікалаеўна Бардунова. Аб’яднанне — своеасаблівая сучасная форма работы з дзіцячым калектывам. Гэта сапраўдная школа эстэтычнага выхавання, вялікая дружная сям’я педагогаў і больш за 500 выхаванцаў. Рэпертуар “Вясёлкі” — спалучэнне эстраднага вакалу, сучаснай харэаграфіі, брэйк-данса. Калектыў з’яўляецца лаўрэатам і дыпламантам рэспубліканскіх і міжнародных фестываляў, конкурсаў і аглядаў. Сярод знакамітых выпускнікоў “Вясёлкі» — Іна Афанасьева, Ірына Дарафеева, Наталля Кудрына, Наталля Падольская.
Як ужо адзначалася, у Абласным цэнтры творчасці прадстаўлены ўсе напрамкі дадатковай адукацыі дзяцей і моладзі. Шматлікім па колькасці ўдзельнікаў з’яўляецца і аддзел краязнаўства і пошукавай работы. Асноўная мэта дзейнасці педагогаў аддзела — арганізацыя адукацыйнага працэсу ў аб’яднаннях па інтарэсах краязнаўчай накіраванасці, каардынацыя і метадычнае забеспячэнне дзейнасці музеяў устаноў адукацыі вобласці, правядзенне абласных этапаў рэспубліканскай акцыі навучэнскай моладзі “Жыву ў Беларусі і тым ганаруся”.
— Супрацоўнікі аддзела арганізоўваюць удзел навучэнцау вобласці ў рэспубліканскіх краязнаўчых мерапрыемствах (у тым ліку ў рэспубліканскіх злётах юных краязнаўцаў — актыўных удзельнікаў Рэспубліканскай акцыі навучэнскай моладзі “Жыву ў Беларусі і тым ганаруся”) і зборах актыву акцыі ў “Зубраняці”, прапагандуюць гісторыка-культурную і прыродную спадчыну вобласці. Адным з унікальных грамадскіх і ў той жа час педагагічных аб’яднанняў вобласці з’яўляецца абласны гісторыкапатрыятычны пошукавы клуб “Віккру”, якім кіруе Мікалай Сяргеевіч Барысенка. На працягу многіх гадоў педагог праводзіць вялізную пошукавую работу па тэме Вялікай Айчыннай вайны, далучае да гэтай работы калег, навучэнцаў вобласці. У выніку аднаўляюцца імёны загінуўшых воінаў, становяцца вядомымі многія старонкі ваеннай гісторыі Магілёўшчыны, выдаюцца кнігі, арганізоўваюцца тэматычныя выставы, — паведаміла загадчык аддзела Наталля Мікалаеўна Стральцова.
Як вядома, аснова паспяховай работы любога аб’яднання па інтарэсах — гэта не толькі зацікаўленасць педагогаў, іх апантанасць, але і якасна распрацаваныя вучэбныя планы, праграмы, дапаможнікі, метадычныя рэкамендацыі. У гэтым і заключаецца работа профільных аддзелаў. Так, аддзел краязнаўства і пошукавай работы прымае ўдзел у распрацоўцы вучэбных планаў, праграм, дапаможнікаў, метадычных рэкамендацый і іншай літаратуры па пытаннях краязнаўства і пошукавай работы, аказанні метадычнай дапамогі ўстановам адукацыі па выкарыстанні краязнаўства ў адукацыйным працэсе, правядзенні навучальных семінараў для краязнаўчага акты ву вобласці, навукова-метадычнае забеспячэнне краязнаўчай дзейнасці ў дапамогу работнікам устаноў дадатковай адукацыі краязнаўчага профілю, садзейнічанне павышэнню кваліфікацыі педагагічных работнікаў па краязнаўстве і музейнай дзейнасці ва ўстановах адукацыі.
Адцзел краязнаўства і пошукавай работы займаецца арганізацыяй і правядзеннем абласных семінараў, канферэнцый, супрацоўнічае з дзяржаўнымі ўстановамі, грамадскімі, маладзёжнымі аб’яднаннямі ў галіне краязнаўчых даследаванняў, метадычнага забеспячэння адукацыйнай дзейнасці, прапагандуе краязнаўчую і пошукавую работу праз СМІ (у тым ліку “Настаўніцкую газету”), вывучае стан краязнаўчай і пошукавай работы ва ўстановах адукацыі вобласці, вядзе збор і аналіз неабходнай інфармацыі.
— Наша ўстанова выконвае ролю каардынацыйнага, інструктыўна-метадычнага, інфармацый на-аналітычнага, арганізацыйнага цэнтра ўсёй сістэмы дадатковай адукацыі дзяцей і моладзі вобласці. Гэта абумоўлівае і нашу работу па метадычным суправаджэнні. На працягу кожнага навучальнага года ў нас арганізуецца каля 25 адукацыйных мерапрыемстваў для ўсіх катэгорый педагагічных работнікаў: семінары, канферэнцыі, майстар-класы, працуе клуб прафесійных стасункаў “Да вяршынь майстэрства” для ўсіх катэгорый педагогаў. Кожны год мы выбіраем лепшага педагога вобласці. У гэтым годзе ім стала Марына Аляксандраўна Кузняцова з Цэнтра турызму і краязнаўства дзяцей і моладзі “Ветразі” Магілёва. Гэта вельмі карысны конкурс, ён пад штурхоўвае педагогаў і ўотановы падцягваць узровепь сваёй працы і дазваляе адсачыць са ан мо шдыч най работы ў кожнай установо, бо, каб правесці конкурсный заданні, абласное журы выязджае ў раёны. Мы за два месяцы павінны выехаць з метадычнай дапамоі ай у кожную ўстанову вобласці. Усяго на Магілёўшчыне дзейнічае 41 установа дадатковай адукацыі дзяцей і моладзі, дзе займаецца больш за 57 тысяч навучэнцаў, што складае 53% ад усёй колькасці навучэнцаў вобласці, — паведаміла намеснік дырэктара па вучэбна-метадычнай рабоце Вольга Юр’еўна Марозава.
Вялікі палац, вялікая колькасць навучэнцаў, вялікія аб’ёмы работы. Аднак педагогі Абласнога цэнтра творчасці паспяхова спраўляюцца. У чым поспех? Завітайце ў галоўны будынак установы. Творчасць, радасць, усмешкі, душэўная цеплыня, якой падзеляцца з вамі педагогі і навучэнцы, дадуць вычарпальны адказ.
Ігар ГРЭЧКА.