Сінькевіч, Г. Прэстыжная перамога : [Магілёўская дзяржаўная гімназія-каледж мастацтваў імя Глебава] / Ганна Сінькевіч // Настаўніцкая газета. — 2020. — 24 лістапада. — С. 14.
Як паведаміла намеснік дырэктара па вучэбнай рабоце спецыяльнага цыкла Н.Д.Алісеева, удзел і перамогі навучэнцаў у самых розных конкурсах даўно сталі для гімназіі-каледжа неад’емнай часткай навучання. Паводле яе слоў, нядаўна навучэнцы бліскуча выступілі на міжнародным конкурсе DIGI TALENTY 2020 у Польшчы. Узорны аркестр баяністаў і акардэаністаў стаў уладальнікам гран-пры. Пераможныя і прызавыя дыпломы заваявалі навучэнцы Кацярына Міхалькова, Ларыса Філіпчанка, Аміра Мірзаева, Мацвей Круцікаў і Іван Ланец.
Пераможнымі сталі выступленні прадстаўнікоў навучальнай установы і на Міжнародным конкурсе-фестывалі юных акардэаністаў імя Фурманавічуса. У творчым спаборніцтве прымалі ўдзел выканаўцы з Беларусі, Балгарыі, Літвы, Латвіі, Расіі, Польшчы. Нягледзячы на высокую канкурэнцыю, навучэнцы гімназіі-каледжа заваявалі шэраг прызавых дыпломаў. Лаўрэатамі І ступені сталі Ульяна Астанковіч і Ларыса Філіпчанка. Дыпломы ІІ ступені атрымалі Кацярына Міхалькова, Аліса Мартынава, Лізавета Туз, Мацвей Круцікаў, два ансамблі — Аліса Мартынава, Дзяніс Францікаў і Марына Малхасян, Віктар Крушанаў. А ўладальнікамі трэціх месцаў сталі Іван Ланец і ансамбль “Фіеста”.
Дыпламантаў прэстыжных конкурсаў рыхтавалі педагогі В.Ф.Грашчанка, А.М.Дарашэнка, А.У.Каброў, Р.Я.Сінялобава. Выкладчыца В.Ф.Грашчанка па запрашэнні ўваходзіла ў склад журы Міжнароднага конкурсу-фестывалю юных акардэаністаў імя Фурманавічуса. Гэта, як і перамогі навучэнцаў, лепшае пацвярджэнне выключнага прафесіяналізму настаўнікаў гімназіі-каледжа.
Ганна СІНЬКЕВІЧ.