Малініна, Т. Лечаць без горкіх таблетак : [у Магілёўскай абласной клінічнай бальніцы пацыенты праходзяць курс рэабілітацыі пасля COVID-19] / Таццяна Малініна // Звязда. — 2021. — 2 сакавіка. — С. 5.
У Магілёўскай абласной клінічнай бальніцы пацыенты пасля перанесенай пнеўманіі, у тым ліку асацыяванай з інфекцыяй C0VID-19, могуць прайсці курс комплекснай рэабілітацыі. Тут для гэтага ёсць усе магчымасці. Для барацьбы з хваробай медыкі выкдоыстоўваюць тэхналогіі лячэбнай фізкультуры, апаратнай фізіятэрапіі, масаж і іншыя метады рэабілітацыі.
А нядаўна фізіятэрапеўтычнае аддзяленне гэтай бальніцы папоўнілася новай медтэхнікай, якая прызначана для прафілактыкі і лячэння розных захворванняў, а таксама для комплекснай рэабілітацыі пасля перанесенай пнеўманіі, у тым ліку асацыяванай з інфекцыяй COVID-19. Як адзначылі медыкі, гэтыя апараты запатрабаваныя сярод пацыентаў, якія лечацца стацыянарна і амбулаторна.
— Да нас паступілі новыя інгалятары-небулайзеры. Даўно вядома, што інгаляцыйная тэрапія —даволі эфектыўны і параўнальна хуткі метад лячэння шматлікіх захворванняў дыхальных шляхоў. Сучасныя апараты дазваляюць рэгуляваць памер часціц, хуткасць распыления лекавых рэчываў, што важна для болыи выбарачнага ўздзеяння на верхнія або ніжнія дыхальныя шляхі, — удакладняе загадчык фізіятэрапеўтычнага аддзялення Магілёўскай абласной клінічнай бальніцы Наталля ДАБРАНСКАЯ. — Матэрыяльная база нашага аддзялення папоўнілася і сучасным апаратам лазератэрапіі (методыка лячэння на ім заснавана на ўжыванні лазераў з рознымі характарыстыкамі, што ўзмацняе лячэбны эфект), а таксама партатыўнымі апаратамі магнітатэрапіі. Іх перавага ў тым, што яны дазваляюць ажыццяўляць выкананне працэдур у палатах аддзяленняў. А зараз гэта не толькі важна, a і асабліва запатрабавана.
Медыкі падкрэсліваюць, што рэабілітацыя пасля пнеўманіі — адзін з важных этапаў для добрага самаадчування, бо пасля праходжання курса медыкаментознай тэрапіі ў востры перыяд многія пацыенты скардзяцца на тое, што ім яшчэ цяжка весці звыклы лад жыцця.
— Наша медыцынская рэабілітацыя накіравана на поўнае або частковае аднаўленне функцый органаў і сістэм арганізма, парушаных у выніку пнеўманіі, у тым ліку асацыяванай з інфекцыяй COVID-19, прафілактыку магчымых ускладненняў, аднаўленне нармальнай жыццядзейнасці пацыента, — тлумачыць Наталля Дабранская. — Пацыенты ў нас атрымліваюць апаратную фізіятэрапію, масаж, вучацца правільна выконваць дыхальныя і агульнаўмацавальныя практыкаванні. Да кожнага — індывідуальны падыход.