Канцэртная праграма «Натхненне роднай зямлёй» : [творчы праект лаўрэата міжнародных конкурсаў і фестываляў Ульяны Шэлах] / па інфармацыі Палаца культуры вобласці // Могилевская правда. — 2021. — 14 октября. — С. 12.
Канцэртная праграма «Натхненне роднай зямлёй» — творчы проект лаўрэата міжнародных конкурсаў і фестываляў Ульяны Шэлах — адбылася 30 верасня і 9 кастрычніка ў Палацы культуры вобласці.
Канцэртная праграма «Натхненне роднай зямлёй» прадстаўлена на рэспубліканскі конкурс на лепшы культурны праект патрыятычнай тэматыкі, арганізатарам якога з’яўляецца Міністэрства культуры Рэспублікі Беларусь.
Ульяна Шэлах — сцэнічны псеўданім Вольгі Аляксандраўны Шалухінай, кіраўніка народнай арт-групы «Горад М» і ўзорнай эстраднай вакальнай студыі «Планета KIDS» дзяржаўнай установы культуры «Палац культуры вобласці».
У рэпертуары спявачкі больш за 100 твораў — беларускіх аўтараў, песні мінулых гадоў, сусветныя хіты, песні з рэпертуару вядомых расійскіх і замежных выканаўцаў.
Шчырыя і глыбокія пачуцці любові да роднай зямлі, захапленне захапленне прыгажосцю прыроды, беларускімі традыцыямі і неўміручай спадчынай, вялікая павага да гісторыі народа і сардэчнае шанаванне землякоў — гэта сапраўдныя якасці Ульяны Шэлах. Яны аб’ядноўваюцца ў квяцісты вянок песень, народжаны ў сяброўстве таленавітай салісткі і беларускіх аўтараў. Створаны тэматычны відэакантэнт падкрэслівае тэму і ідэю, эмацыянальна-вобразную лінію канцэртнай праграмы «Натхненне роднай зямлёй», складзенай з твораў беларускіх, у тым ліку магілёўскіх аўтараў.
У супрацоўніцтве з беларускім кампазітарам А.Сакаловым і магілёўскай паэтэсай А.Бела-ножкай для Ульяны Шэлах напісаны песні «Буслянка на даху», «Малая радзіма», «Буйніцкае поле», якія гучаць на многіх тэма-тычных мерапрыемствах горада і вобласці. Ідэя стварэння гэтых твораў менавіта да Года малой радзімы належыць спявачцы. Гэтыя творы былі прадстаўлены ў канцэрце Ульяны Шэлах «Мае крылы» ў 2020 годзе, прысвечаным Дню Незалежнасці Рэспублікі Беларусь. Прэм’ера песні «Малая радзіма» адбылася на радзіме спявачкі ў горадзе Кпімавічы Магілёўскай вобласці ў рамках правядзення Міжнароднага фестывалю дзіцячай творчасці «Залатая пчолка».
Жадаем Ульяне Шэлах новых творчых праектаў і абавязкова перамогі ў рэспубліканскім конкурсе!
Па інфармацыі Палаца культуры вобласці.