Казека, А. Любоўю азараючы свет : [паэтэса Н. Міхальчук] / Алесь Казека, Святлана Казека // Магілёўскія ведамасці. — 2022. — 15 красавіка. — С. 15.
Наталля МІХАЛЬЧУК нарадзілася ў Магілёве. Скончыла МДУ імя А.А.Куляшова, дзе і працуе дацэнтам нафедры агульнага і славянскага мовазнаўства. Кандыдат філалагічных навук. Наталля Аляксандраўна з’яўляецца кіраўніком універсітэцкага літаратурнага аб’яднання «Натхненне».
Творы Наталлі Міхальчук друкаваліся ў часопісах «Нёман», «Маладосць», газетах «Рэспубліка», «Магілёўскія ведамасці», «Магілёўская праўда», маскоўскай газеце «Літаратура».
Светлае ўспрыманне жыцця перамагае ў яе творах цямрэчу і боль. Чыстая, далікатная душа паэткі азарае любоўю сваіх блізкіх, сваю маленькую дачушку, настаўнікаў. Паэтка не толькі бачыць і адчувае прыгажосць беларускай прыроды, навакольнага асяроддзя, але і перадае сваё паэтычнае бачанне ў непераўзыдзеных, толькі ёю знойдзеных вобразах, метафарах, эпітэтах.
Аўтар паэтычных зборнікаў: «Коралловый ветер» (2013), «Нежность» (2015), «Светлый день» (2021).
Член Саюза пісьменнікаў Беларусі.