Кухарава, А. З удзячнасцю да ўчарашняга і з пазітывам у будучае / Алена Кухарава // Веснік Магілёва. — 2024. — 23 октября. — С. 14.
Абласны злёт прадстаўнікоў саветаў пажылых грамадзян аб’яднаў членаў ветэранскіх арганізацый з усёй Магілёўшчыны і шматлікіх гасцей: кіраўнікоў грамадскіх арганізацый рэслубліканскага і абласнога ўзроўняў, аддзелаў сацыяльнага абслугоўвання насельніцтва раённых і гарадскіх выканаўчых камітэтаў.
Сустрэча, прымеркаваная да Дня пажылых людзей, атрымалася цёплай і прадуктыўнай. Старшыня Магілёўскай абласной арганізацыі Беларускага грамадскага аб’яднання ветэранаў Анатоль Глаз падвёў вынікі другой дэкады і распавёў удзельнікам злёту, што робіцца ў вобласці для падтрымкі ветэранаў, з якімі ініцыятывамі выступаюць мясцовыя органы ўлады, а таксама ўручыў падзякі ветэранам, якія праявілі сябе ў грамадскай дзейнасці.
Словы ўдзячнасці і глыбокай павагі да мудрасці і вялікага жыццёвага досведу людзей старэйшага пакалення прагучалі і ад гасцей, якія таксама адзначылі ўнёсак кіраўнікоў і членаў арганізацыі ў развіццё ветэранскага руху. Упершыню на традыцыйным мерапрыемстве павіншавалі пенсіянераў, якія дапамагалі гаспадаркам вобласці ў час жніва і дасягнулі сур’ёзных вынікаў. Іх праца была адзначана падзякамі і грашовымі ўзнагародамі.
Святочны канцэрт ад Гарадскога цэнтра культуры і вольнага часу падарыў ветэранам зарад бадзёрасці і пазітыву. А кампазіцыі ў выкананні Анатоля Глаза і калектыва «Каскад» не пакінулі без эмоцый нават самага спакушанага гледача.
Алена КУХАРАВА