Башарымава, К. Паэтычны дэсант у Магiлёве : [у центральнай гарадской бiблiятэцы адбылася сустрэча з паэтамi Л. Дранько-Майсюком i Э. Акулiным] / Крысцiна Башарымава // Магілёўскія ведамасці. — 2016. — 28 июня. — С. 13.
На днях гасцямі гарадскога літаратурнага клуба «Святліца» былі паэты Леанід Дранько-Майсюк і Эдуард Акулін. Сустрэча адбылася ва ўтульнай зале Цэнтральнай гарадской бібліятэкі імя К.Маркса. Але перш чым трапіць на сустрэчу, сталічным паэтам прыйшлося паблукаць па горадзе. Яны шукалі бібліятэку К.Маркса на вуліцы К.Маркса, таму спазніліся на паўгадзіны.
Выхаванцы «Святліцы», iх сябры, магілёўскія паэты і аматары прыгожага пісьменства не разгубіліся і паэтычную сустрэчу пачалі ў прызначаны час. Кіраўнік клуба і мадэратарка вечарыны Тамара Аўсянікава прапанавала слова мападым паэтам Настассі Падрабінкінай і Таісе Саранчуковай. Сярод выступоўцаў былі Аляксандр Бондараў, Зінаіда Ляўчэня і аўтар гэтых радкоў.
Лірычны настрой аўдыторыі ажывіла з’яўленне сталічных паэтаў. Леанід Дранько-Майсюк, рапрасіўшы прабачэння за спазненне, з гумарам распавёў гісторыю блуканняў па Магілёве, узгадаў некалькі кур’ёзных выпадкаў з прозвішчамі, калі яго называлі Дуніным-Мардінкевічам, а Эдуарда Акуліна — Барысам Акуніным. Затым пазнаёміў прысутных з 13-м нумарам часопіса «Верасень» і запрасіў маладых аўтараў да супрацоўніцтва. Удзельнікам паэтычнай сустрэчы пашчасціла пачуць першы верш, напісаны ім у чацвёртым класе, прысвечаны дзяўчынцы, у якую закахаўся.
Галоўны рэдактар часопіса «Верасень», паэт, бард Эдуард Акулін прэзентаваў сваю кнігу «Бой з сабой», зборнік вершаў Анатоля Сыса «Берагі майго юнацтва», у які ўвашлі раннія творы паэта, да гэтага нідзе не друкаваныя i выпадкова знойдзеныя. Прачытаў верш нашага земляка, таленавітага паэта Анатоля Сербантовіча, які так рана пакінуў тэты свет.
А потым, узяўшы гітару, пачаў спяваць свае ўласныя песні. Завяршальнай стала песня «Белае паліто», якая так спадабалася прысутным, што ўсе пачалі падпяваць аўтару. Напрыканцы кожны жадаючы мог набыць прэзентаваныя кнігі часопіс «Верасень», атрымаць аўтограф на адмысловай паштоўцы.