Цiмошык, Л. «Бронзавы» «Гамлет» : малады беларускi тэатр : энергiя перамог : [Магiлёўскi абласны тэатр лялек стаў прызёрам II Маладзёжнага тэатральнага форуму краiн Садружнасцi, Балтыi i Грузii, якi прайшоў у Мiнску] / Ларыса Цiмошык // Звязда. — 2015. — 28 лiстапада. — С. 16.
Талент ёсць, сілы ёсць, асобы ёсць — такі вынік для Беларусі II Маладзёжнага тэатральнага форуму краін Садружнасці, Балтыі і Грузіі, які прайшоў у Мінску. Наша пастаноўка зноў у ліку найлепшых — адзначаны Магілёўскі абласны тэатр лялек і рэжысёр Ігар Казакоў, які паставіў «Гамлета».
Але перамогу сёлета атрымаў усё ж эстонскі спектакль «Чысты розум/Укусі мяне» (аўтар Рэнате Кеэрд) кампаніі Nii і Новага тэатра г. Тарту. А вось далей — вельмі цікава. Таму што другая прэмія хоць і паедзе ў Кіеў, аснова ў яе беларуская — п’еса Дзмітрыя Багаслаўскага «Любоў людзей», спектакль паводле яе паставіў Станіслаў Жыркоў у Кіеўскім акадэмічным «Маладым тэатры».
Сам Дзмітрый Багаслаўскі адзначаны спецыяльным прызам за рознабаковую тэатральную адоранасць. У форуме ён удзельнічаў не толькі як драматург, але і як акцёр Маладзёжнага тэатра (Мінск), дзе працуе. Але з дзвюх беларускіх пастановак вылучылі «Гамлета» Магілёўскага абласнога тэатра лялек. Ігар Казакоў, які прапанаваў незвычайнае прачытанне Шэкспіра, даў зразумець, што спыняцца ў творчасці не будзе. Галоўнае, каб гэтай творчасці спрыялі абставіны. I разумение публікі: у беларускім тэатры ёсць сілы, якія ўзраслі і чакаюць свайго гледача — такога ж маладога, здольнага разумець нестандартныя павароты і думаць над тым, што бачыць.