Льдова, К. Чытаем па-беларуску! : [адукацыйны праект «Чытаем па-беларуску з velcom»] / Кацярына Льдова // Веснiк Магiлёва. — 2017. — 8 марта. — С. 9.
Адукацыйны праект «Чытаем па-беларуску з velcom» аб’яднаў мноства неабыякавых да роднай мовы пюдзей розных пакаленняў і прафесій па ўсёй Беларуси Акцыі, калi з вучнямі малодшых класаў сустракаюцца пісьменнікі, спартсмены, журналісты і размаўляюць па-беларуску, з поспехам прайшлі ў розных кутках краіны.
Вялікі імправізаваны ўрок літаратуры і фізічнай культуры правялі і ў Магілёве — у гарадской ратушы на сустрэчу са шкалярамі завіталі вядомы падарожнік і тэлевядучы Юрый Жыгамонт, пісьменніца Раіса Баравікова, брамнік ФК «Днепр» Руслан Капанцоў і прэс-сакратар клуба Андрэй Ільеня.
Інтэрактыўныя заняткі 2 сакавіка адбыліся ў гімназіях №№ 1, 2 i 4, сярэдніх школах №№ 21, 37, 40, 43, 45. А вось фінальны ўрок — і каля 100 школьнікаў прыняла гарадская ратуша.
Падчас уроку госці пазнаёміліся з вучнямі 1-2 класаў, вучыліся вітацца, чыталі з імі вершы, перакладалі словы на беларускую мову і фатаграфаваліся.
«Для пісьменніка ўдзел у праекце — гэта магчымасць дапамагчы настаўнікам адкрываць для дзяцей чароўны свет роднай мовы і літаратуры, пашыраць дапягляд і асабіста знаёміць дзяцей з творчасцю беларускіх літаратараў. Пасля першых заняткаў праекта «Чытаем па-беларуску з velcom» у Менску вучні і настаўнікі пакінулі выдатныя водгукі. Таму цудоўна, што праект працягваецца: на мой погляд, кампанія velcom пачала вельмі патрэбны праект для школ нашай краіны», — сказала пісьменніца, паэтка, лаўрэат Дзяржаўнай прэміі Рэспублікі Беларусь Раіса Баравікова.
Яна расказала школьнікам аб сваёй творчасці, літаратурных навінках для дзяцей і падпеткаў, разам з аудыторыяй нагадала некалькі добра вядомых вершаў пра Беларусь.
А Руслан Капанцоў і Андрэй Ільеня распавялі аб тым, чаму важна размаўляць на роднай мове і правялі інтэрактыўную гульню са школьнікамі на ведение спартыўных тэрмінаў па-беларуску. Нягледзячы на свой юны ўзрост, вучні актыўна дапаўнялі настаўнікаў на беларускай мове!
«Мы з радасцю адгукнуліся на прапанову далучыцца да праекта. На гэтым мерапрыемстве «Днепр» мае на ўвазе 2 мэты. Першая — адукацыйная, другая — папулярызацыя футбола сярод дзяцей. Жадаем, каб школьнікі цягнуліся і да ведаў, і да спорту», — лічыць Руслан Капанцоў.
Тэты праект з 2015 года рэалізуе кампанія velcom пры падтрымцы Міністэрства адукацыі Рэспублікі Беларусь. Яго ўдзельнікамі сталі больш за 140 устаноў адукацыі краіны. Вясной 2016 года праект выйшаў на рэспубліканскі ўзровень. Да цяперашняга моманту ў займальных занятках «Чытаем па-беларуску з velcom» прынялі ўдзел больш за 17 тысяч школьнікаў. «Адразу пасля такіх заняткаў дзеці не пачнуць размаўляць на беларускай мове. Але яны адзначаць для сябе, што ўсе мы — адзіная нацыя, адчуюць густ беларускай самаідэнтычнасці», — упэўнены арганізатары, якія падкрэслілі, што праект будзе развівацца.
