Сінькевіч, Г. Зварка на ўсе 100 / Ганна Сінькевіч // Настаўніцкая газета. — 2023. — 2 чэрвеня. — С. 11.
Дзмітрыю Мікалаевічу 30 гадоў, а ён ужо двойчы прызнаваўся лепшым маладым вучоным БРУ, узнагароджаны спецыяльнай прэміяй Магілёўскага аблвыканкама. За наватарскія ідэі яго дысертацыя ўвайшла у лік лепшых на адпаведным рэспубліканскім конкурсе.
Асноўны напрамак даследаванняў Дзмітрыя Юманава — кантактная і рэльефная зварка. Свае галоўныя напрацоўкі ён прадставіў у дысертацыі, у якой прапанаваў выкарыстанне самастойна распрацаванай сістэмы праграмнага кіравання для кантактных зварачных машын.
— Звычайныя серыйныя рэгулятары гэтых машын не дазваляюць дакладна і рацыянальна задаваць параметры зваркі.
Я падабраў іншыя механизмы ўстанаўлення параметраў і стварыў уласную сістэму праграмнага кіравання. Яна замяняе серыйную, падключаецца да кантактнай зварачнай машыны і дапамагае атрымліваць злучэнні з больш высокай якасцю. У ходзе правядзення эксперыментаў было ўстаноўлена, што базавы тэхналагічны працэс дазваляе вырабляць зварачныя злучэнні з патрэбным узроўнем якасці толькі ў 40 працэнтах. Мая сістэма павялічвае тэты паказчык практычна да ста. Распрацоўка ўжо прымяняецца на ААТ «Магілёўскі завод «Строммашына», разглядаецца да ўкаранення на шэрагу іншых прадпрыемстваў, — падзяліўся Дзмітрый Юманаў.
Спектр навуковых інтарэсаў Дзмітрыя Мікалаевіча не змяніўся. Ён паранейшаму дэталёва вывучае асаблівасці кантактнай і рэльефнай зваркі. Дарэчы, напрацоўкамі актыўна дзеліцца ўжо са сваімі студэнтамі. Падчас лекцый прэзентуе вынікі ўласных даследаванняў, прыцягвае маладых людзеи да заняткаў навукай.
— У нашым універсітэце вялікая ўвага ўдзяляецца далучэнню моладзі да навуковай дзейнасці. Студэнты маюць магчымасць паспрабаваць сябе ў навуцы ўжо з першых курсаў. Усяляк падтрымліваюцца і маладыя вучоныя. Такая дапамога вельмі важная, яна стымулюе развівацца далей, — лічыць Дзмітрый Юманаў.
Матэрыялы Ганны СІНЬКЕВІЧ