Сінькевіч, Г. Прыярытэт выхаванню / Ганна Сінькевіч // Настаўніцкая газета. — 2025. — 26 жніўня. — С. 8.
Дасягненні і перспектывы, праблемы і планы на будучыню абмеркавалі педагогі Магілёўшчыны на жнівеньскай канферэнцыі.
″Высокія вынікі забяспечаны матывацыяй вучняў і прафесіяналізмам педагогаў. Аднак якасць адукацыі павінна ацэньвацца не толькі вучэбнымі перамогамі, але і ступенню сфарміраванасці асобы навучэнцаў. Адным з галоўных прыярытэтаў для ўстаноў адукацыі павінна быць выхаваўчая работа.
Людміла ЗДОРЫКАВА.
Мерапрыемства аб’яднала каля 600 удзельнікаў. Ганаровымі гасцямі сталі старшыня Магілёўскага аблвыканкама Анатоль Ісачанка, дырэктар Дэпартамента кантролю якасці адукацыі Міністэрства адукацыі Вольга Рыбаключава і інш.
Лепшыя напрацоўкі адукацыйнай галіны вобласці дэманстраваліся на тэматычнай выставе. У ходзе пленарнага пасяджэння неаднаразова адзначалася: сфера адукацыі функцыянуе эфектыўна і зладжана, адпавядаючы сучасным стандартам. У навучальных установах створана выдатная матэрыяльна-тэхнічная база, хапае кваліфікаваных педагагічных кадраў. Напярэдадні Дня ведаў цалкам выканана асноўная задача: усе школы гатовы да сустрэчы з навучэнцамі.
— За лета завершана рэканструкцыя сярэдніх школ у Шклове, Бялыніцкім і Круглянскім раёнах. Забяспечана выкананне капітальных і бягучых рамонтаў ва ўстановах адукацыі. На гэта было накіравана звыш 86 млн рублёў. Праведзена абнаўленне бегавых дарожак і спартыўных пляцовак, набыты аўтобусы для падвозу сельскіх вучняў. Перадавым вучэбным абсталяваннем запланавана аснасціць 65 кабінетаў працоўнага навучання, 11 кабінетаў хіміі і 20 кабінетаў біялогіі. Паўсюдна створаны камфортныя, бяспечныя ўмовы для навучання дзяцей. За парты 1 верасня сядуць звыш 114 тысяч хлопчыкаў і дзяўчынак, з іх 10,5 тысячы — першакласнікі, — расказала начальнік галоўнага ўпраўлення па адукацыі Магілёўскага аблвыканкама Людміла Здорыкава.
Па яе словах, летась установы адукацыі працавалі плённа. У мінулым навучальным годзе 69% школьнікаў паказалі высокі і дастатковы ўзровень ведаў. Сярэдні бал атэстата 8,5 бала і больш маюць 33% выпускнікоў школ. Выдадзены 473 атэстаты асаблівага ўзору з узнагароджаннем залатымі і сярэбранымі медалям/, 557 пасведчанняў аб агульнай базавай адукацыі з адзнакай. Навучэнцамі атрыманы 252 стабальныя сертыфікаты на ЦЭ і ЦТ.
Вучні паспяхова выступаюць на заключным этапе рэслубліканскай алімпіяды па вучэбных прадметах. Сёлета каманда вобласці атрымала 91 дыплом. Акрамя таго, прадстаўнікамі рэгіёна заваявана 9 пераможных медалёў на міжнародных алімпіядах. На рэспубліканскім конкурсе прафесійнага майстэрства навучэнцы каледжаў узялі 19 прызавых узнагарод. Нагоды для гордасці ёсць і ў дашкольнай, спецыяльнай, дадатковай адукацыі.
— Высокія вынікі забяспечаны матывацыяй вучняў і прафесіяналізмам педагогаў. Аднак якасць адукацыі павінна ацэньвацца не толькі вучэбнымі перамогамі, але і ступенню сфарміраванасці асобы навучэнцаў. Адным з галоўных прыярытэтаў для ўстаноў адукацыі павінна быць выхаваўчая работа. Разам з бацькамі педагогам неабходна выхоўваць дзяцей патрыётамі, прывіваць ім правільныя ідэалы і жыццёвыя каштоўнасці,— адзначыла Людміла Яўгенаўна.
У кірунку ідэалагічнай і выхаваўчай работы з верасня навучальныя ўстановы будуць працаваць па адзінай матрыцы. Так, інфармацыйныя гадзіны цяпер будуць праходзіць не толькі ў класах, але і ў музеях, на сацыяльна значных аб’ектах. Арганізацыя выязных экскурсій у знакавыя памятный мясціны будзе абавязковай для вучняў усіх класаў. Новае гучанне атрымае рэалізацыя праекта «Бацькоўскі ўніверсітэт», дзейнасць ваенна-патрыятычных клубаў. Для фарміравання інфармацыйнай культуры і медыякампетэнцый вучняў ва ўстановах адукацыі пачнуць працаваць гурткі юных карэспандэнтаў і школы юных блогераў.
— Першачарговую ўвагу трэба засяродзіць на прафарьіентацыі навучэнцаў, пашырэнні магчымасцей дапрофільнай падрыхтоўкі, сеткі профільных і прафесійных класаў, на пераходзе да інклюзіі, пошуку новых кропак узаемадзеяння з сям’ёй. Многія пастаўленыя раней мэты дасягнуты, але варта імкнуцца да ўдасканалення работы, — матывавала настаўніцтва Людміла Здорыкава.
Ключавыя арыенціры развіцця рэгіянальнай сістэмы адукацыі абазначыў педагогам старшыня Магілёўскага аблвыканкама Анатоль Ісачанка. На парадку дня — інтэграцыя выхавання ў адукацыйны працэс, умацаванне супрацоўніцтва школы, сям’і і грамадства, выхаванне моладзі працай, падрыхтоўка кадраў.
— Даступнае і якаснае навучанне — інвестыцыі ў будучыню дзяржавы. У вобласці забяспечана належнае фінансаванне галіны адукацыі, педагогам аказваецца ўсебаковая падтрымка. Зараз ідзе будаўніцтва сярэдняй школы на 1020 месцаў па вуліцы Гагарына ў Магілёве. Наступнай з’явіцца школа ў мікрараёне Саломінка-2. Пару гадоў назад мы пачалі будаўніцтва арэнднага жылля для педагогаў. Пабудавана 90 кватэр. На чарзе шматкватэрны дом у мікрараёне Фаціна Mariлёва. Наогул у 2025 годзе на сферу адукацыі выдаткавана больш за 1,3 млрд рублёў, — паведаміў Анатоль Міхайлавіч.
Кіраўнік рэгіёна нагадаў, што сёння мала даць добрую адука-цыю. Педагогі павінны ўсведам-ляць, што яны не толькі вучаць, але і выхоўваюць, таму павінны быць прыкладам для вучняў.— Цяпер у свеце адбываецца злом традыцыйных маральных норм. Фэйкі ў рамках так званай свабоднай інфармацыйнай прасторы закранаюць нашу моладзь, спрабуючы ўплываць на юныя розумы і сэрцы. У сувязі з гэтым стратэгічную значнасць набывае патрыятычнае выхаванне. Настаўнікам трэба данесці данавучэнцаў разумение таго, што патрыятызм — гэта не проста словы, а канкрэтныя справы, адказнасць перад сваёй сям’ёй, школай, краінай. Выхаванне і навучанне — не разавая акцыя, а карпатлівая штодзённая праца. Праца, якая патрабуе адзінства і паслядоўнасці рашэнняў. Сумеснымі намаганнямі педагогаў, сям і, улады мы павінны вырасціць пакаленне, якое будзе шчыра любіць Радзіму і стваральна працаваць на карысць роднай зямлі, — падкрэсліў Анатоль Ісачанка.
Завяршылася канферэнцыя святочным ушанаваннем педагогаў. Нагрудны знак «Выдатнік адукацыі» ўручылі намесніку дырэктара па выхаваўчай рабоце сярэдняй школы № 2 Горак Веры Дрыга, выкладчыцы Магілёўскага дзяржаўнага агралесатэхнічнага каледжа імя К.П.Арлоўскага Святлане Арлоўскай, настаўніку геаграфіі гімназіі № 1 Бабруйска Рыгору Русецкаму і намесніку дырэктара па вучэбнай рабоце Магілёўскага дзяржаўнага электратэхнічнага каледжа Наталлі Яшнай. Шматлікія настаўнікі былі ўзнагароджаны граматамі і падзякамі.
Матэрыялы Ганны СІНЬКЕВІЧ.