Бібліятэка-філіял № 9 імя Янкі Купалы
Юныя чытачы бібліятэкі сталі ўдзельнікамі цікавага літаратурнага знаёмства “Як на свет нарадзіўся Янка”.
Янка Купала – гонар беларускага народа. Напісаныя ім творы ўвайшлі ў залаты фонд і вядомы сёння далёка за межамі нашай краіны. Далучыць падрастаючае пакаленне да творчасці вялікага песняра – першачарговая задача бібліятэкі.
У ходзе мерапрыемства вядучая пазнаёміла юную публіку з біяграфіяй знакамітага паэта, узгадала яго спадчыну. Дзеці чыталі любімыя вершы, слухалі і спявалі песні, створаныя на словы Янкі Купалы. А затым наведалі выставачную экспазіцыю, прысвечаную жыццю і творчасці беларускага песняра, дзе прайшла экскурсія-агляд “Ад прадзедаў спакон вякоў нам засталася спадчына”.