21 лютага ва ўсім свеце адзначаецца Міжнародны дзень роднай мовы, які быў абвешчаны Генеральнай канферэнцыяй UNESCO 17 лістапада 1999 года.

Беларускі народ мае сваю родную мову – беларускую, прыгожую,  мілагучную, спеўную, лагодную.

21 лютага ў цэнтральнай гарадской бібліятэцы імя К. Маркса  адбыўся турнір знаўцаў роднай мовы “Такія знаёмыя назвы і словы, такая цудоўная родная мова”.

Падчас турніра ўдзельнікам было прапанавана перакласці словы з рускай мовы на беларускую, адказаць на пытанні сур’ёзнай і вясёлай віктарын, пагуляць у гульні з літарамі і словамі.

 У гэты дзень свае вершы на беларускай мове чыталі: Людміла Хлімановіч, Галіна Яфімцава, Марыя Майсеева. Верш Максіма Багдановіча  прачытала Ларыса Цыбульская.

Удзельнікі турніра атрымалі добры настрой на ўвесь дзень.