21 лютага ў бібліятэцы ў межах Дня роднай мовы сумесна з Магілёўскай гарадской арганізацыяй «Таварыства беларускай мовы імя Францішка Скарыны» адбылася татальная дыктоўка “Прага да ведаў”. Праверыць сваю пісьменнасць і напісаць дыктант па беларускай мове прыйшлі ўсе жадаючыя. 

Перад тым як прыступіць да напісання дыктоўкі, мы прапанавалі ўдзельнікам невялікую імпрэзу. Вучаніцы дзіцячай школы мастацтваў №6 Восіпава Сафія і Пратасава Кацярына прапанавалі музычны нумар “Месяц дагарае”, а вучні 2 “Г” класа сярэдняй школы № 34 разам з настаўніцай Лідзіяй Ціханоўскай прачыталі вершы ўласнага сачынення на беларускай мове.

У гэтым годзе спаўняеццца 180 год з дня нараджэння Кастуся Каліноўскага і менавіта гэтай падзее была прысвечана наша дыктоўка. “Дыктарам” дыктоўкі стаў выкладчык беларускай мовы сярэдняй школы № 23 Аляксандр Уладзіміравіч Цітоў, які прачытаў урывак з твора К.Каліноўскага “Мужыцкая праўда”.

Усе пісьмовыя работы праверыць прафесійны філолаг. Дзесятка лепшых будзе размешчана на сайте бібліятэкі.