У гэтым годзе адзначаецца 135 гадоў з дня нараджэння Якуба Коласа.

Юбілей літаратурнага класіка − гэта не проста юбілей аднаго чалавека, гэта юбілей народа, бо з лёсаў лепшых сыноў айчыны складаецца лёс Бацькаўшчыны.

Жыццё народнага паэта Беларусі Якуба Коласа – выдатная старонка ў гісторыі беларускай літаратуры, а творчасць паэта адлюстроўвае цэлую эпоху ў культурным жыцці краіны.

На абанеменце аформлена кніжная выстава “Сэрца пакідаю вам…”, якая пазнаёміць з літаратурным геніем і дазволіць адкрыць для сябе Якуба Коласа з іншага боку – як клапатлівага бацьку і дзядулю, надзейнага сябра, мудрага дарадцу, удумлівага крытыка, ветлівага і гасціннага гаспадара.

Выстава будзе працаваць на працягу лістапада.