Сінькевіч, Ганна. Фестываль метадычных ідэй : [у Магілёўскім дзяржаўным каледжы мастацтваў праходзіць фестываль метадычных ідэй «Сучасны педагог: прафесіяналізм і метадычная творчасць»] / Ганна Сінькевіч // Настаўніцкая газета. — 2018. — 19 красавіка. — С. 14.
Азнаёміцца з эфектыўнымі методыкамі і тэхналогіямі творчых здольнасцей навучэнцаў, пераняць станоўчы вопыт калег, даведацца пра новае і перадавое ў навучанні — усё тэта на працягу месяца можно зрабіць у Магілёўскім дзяржаўным каледжы мастацтваў. Ва ўстанове праходзіць фестываль метадычных ідэй «Сучасны педагог: прафесіяналізм і метадычная творчасць».
Як паведаміла метадыст каледжа Марыя Хацкова, форум уключае ў сябе шэраг рознатэматычных мерапрыемстваў.
— Разлічаны яны ў першую чаргу на развіццё прафесійных кампетэнцый педагогаў каледжа. Аднак і настаўнікі іншых устаноў адукацыі змогуць запазычыць на фестывальных пляцоўках шмат цікавага для асобаснага росту і развіцця, — расказала Марыя Уладзіміраўна.
Так, ужо адбыўся семінар па харэаграфічным мастацтве. Удзел у ім прынялі выхаванцы танцавальных ансамбляў шэрага школ мастацтваў, педагогі-харэографы з розных куткоў Магілёўшчыны. Праз наглядныя майстар-класы на семінары былі дэталёва разгледжаны ўсе аспекты работы з дзіцячым творчым калектывам — ад узнікнення пэўнай задумы да пастаноўкі танца. Практыкум “Творчы праект як сродак павышэння якасці адукацыі і развіцця ініцыятывы навучэнцаў у адукацыйнай прасторы каледжа” пераканаў педагагічных работнікаў устаноў сярэдняй спецыяльнай адукацыі ў тым, што менавіта творчы падыход, прымяненне метаду праектаў у рабоце, можа зрабіць нават пасрэдную справу цікавай для дзяцей.
У рамках фестывалю прайшоў таксама конкурс вакальнага майстэрства “Дняпроўская хваля”. Спаборніцтва сабрала каля 100 юных артыстаў. На фестывальнай сцэне яны мелі магчымасць выступіць у розных жанрах — ад эстраднага і акадэмічнага да народнага вакалу. Акрамя гэтага, развіццю іх талентаў паспрыялі гутаркі з лепшымі педагогамі рэгіёна ў гэтым творчым кірунку. Гран-пры па выніках спаборніцтва дасталася дзіцячаму фальклорнаму ансамблю “Маладзік” магілёўскай дзіцячай школы мастацтваў № 6. Шэраг пачынаючых вакалістаў быў адзначаны ганаровымі дыпломамі.
Наогул, у ходзе фестывалю арганізатары ўлічылі інтарэсы кожнага. ТІІтаратурныя гасцёўні, лекцыі-канцэрты, шматлікія майстар-класы, адкрытыя ўрокі, конкурсы, школа маладога педагога, семінары-практыкумы — гэта далёка не поўны пералік фестывальных мерапрыемстваў.
Завершыцца форум у канцы красавка. Па яго вынках будуць распрацаваны метадычныя рэкамендацыі, накіраваныя на паляпшэнне эфектыўнасці і якасці працы педагогаў.
Ганна СІНЬКЕВІЧ.