Да Мiжнароднага дня роднай мовы ў бібліятэцы прайшло свята роднай мовы “Мая непаўторная родная мова”.

На працягу дня ў фае дэманстравалiся вiдэаролiкi пра нашу мову, музычныя клiпы, мультфiльмы, экспанавалася кніжная выстава “Жывое ў вяках беларускае слова”. Кожны жадаючы мог наведаць экспазiцыю мiнi-музея Янкi Купалы.

Да свята была прымеркавана iнтэлектуальная гульня “Дакрануцца да роднага слова”, якая  ўнесла асобы настрой, прабудзiла жывую цiкавасць да роднага слова. У мерапрыемстве прынялi ўдзел вучнi ДУА «Сярэдняя школа № 39 г. Магiлёва», ДУА «Сярэдняя школа № 7 г. Магiлёва», навучэнцы УА «Магiлёўскi дзяржаўны лiцэй №2».  Яны выконвалі прапанаваныя ім заданні: «Узгадайце прыказкі і прымаўкі», «Адшукайце літару, якая заблудзілася», «Складзіце словы» і інш. Мерапрыемства суправаджалася медыя-аглядам «Родная мова — крыніца празрыстая».

Для вучняў 2 «А» класа ДУА «Сярэдняя школа № 7 г. Магiлёва» было праведзена лiтаратурнае знаёмства «Беларускiя пiсьменнiкi – дзецям».

У чытальнай зале 20-22 лютага экспанавалася выстава-прагляд “Залатыя крупінкі фонду беларускай літаратуры”.