Сінькевіч, Г. Студэнты — за папулярызацыю нацыянальнай кухні : Тыдзень сучаснага кулінарнага мастацтва адбыўся напрыканцы сакавіка ў Магілёўскім дзяржаўным універсітэце харчавання / Ганна Сінькевіч // Настаўніцкая газета. — 2018. — 10 красавіка. — С. 5.
Тыдзень сучаснага кулінарнага мастацтва адбыўся напрыканцы сакавіка ў Магілёўскім дзяржаўным універсітэце харчавання.
Як паведаміла прарэктар па выхаваўнай рабоце УВА Вольга Мацыкава, тэматычныя дні ўключалі ў сябе розныя мерапрыемствы.
— Ва ўніверсітэце прайшлі кулінарны конкурс прафесійнага майстэрства сярод нашых студэнтаў з прысваеннем кваліфікацыі “кухар”, конкурс прафмайстэрства па правілах WorldSkills па кампетэнцыі “Кулінарнае мастацтва”, шматлікія майстар-класы ад вядомых шэф-кухараў, кулінарных экспертаў, рэстаратараў, — расказала Вольга Уладзіміраўна.
Адной з центральных падзей тэматычнага тыдня стаў Міжнародны стартап-фестываль кулінарнага мастацтва “Нацыянальная кухня: учора, сёння, заутра”, які праходзіў у два туры. На першы было пададзена каля 40 праектаў ад студэнтаў УВА харчовага профілю з Літвы, Польшчы, Балгарыі, Расіі, Казахстана, Украіны і Беларусі. Пасля конкурснага адбору да вочнай прэзентацыі ў намінацыях “Кулінарны брэнд”, “Паслуга”, “Тэхналогія вытворчасці”, “Аб’ект грамадскага харчавання” журы дапусціла 27 ініцыятыў.
— Характэрнай рысай фэсту стала актыўнасць, прадпрымальніцкая ініцыятыва студэнцтва. Цікавыя ідэі па папулярызацыі нацыянальнай, славянскай кухні гучалі і ад айчынных, і ад замежных студэнтаў. Некаторыя канкурсанты прадстаўлялі ўжо. га- товыя да рэалізацыі бізнес- планы, — адзначыла Вольга Уладзіміраўна.
Лепшымі па выніках прэзентацыі ў намінацыі “Тэхналогія вытворчасці” сталі студэнты з Плоўдзіўскага ўніверсітэта харчовых тэхнапогій (Балгарыя). Яны выступалі з прапановай наладзіцьвытворчасць лінейкі напіткаў здаровага харчавання. Прадстаўнікі Маскоўскага дзяржаўнага ўніверсітэта тэхналогій і кіравання з распрацоўкай канцэпцыі кафэ казачай кухні хуткагахарчавання “Атамань” перамаглі ў намінацыі “Аб’ект грамадскага харчавання”. У астатніх дзвюх намінацыях найбольш цікавымі журы прызнала праекты студэнцтва Магілёўскага дзяржаўнага ўніверсітэта харчавання. За кулінарны брэнд яны прапанавапі страву ў выглядзе бульбяных кошыкаў з рознымі начынкамі. А ў якасці паслугі — навучанне насельніцтва правільнаму гатаванню ежы дома.
Адметна, што лепшыя студэнцкія кулінарныя стартап-праекты будуць прад- стаўлены на маладзёжным злёце, які пройдзе ў верасні бягучага года ў рамках чар- говага форуму рэгіёнаў Бе- ларусі і Расіі.
Ганна СІНЬКЕВІЧ