Шабанава, Ю. Спявайце, маладыя таленты! / Юлія Шабанава ; гутарыла Віялета Грынкевіч // Культура. — 2024. — 20 верасня. — С. 8.
Шлях фальклодаага ансамбля “Травень” пры Магілёўскім дзяржаўным каледжы мастацтваў багаты на перамогі ў міжнародных фестывалях і конкурсах.
Летась калектыў стаў лауреатам творчага спаборніцтва “Маладыя таленты Беларусі” і быў удастоены стыпендыі спецыяльнага фонду Прэзідэнта Рэспублікі Беларусь па падтрымцы таленавітай моладзі. Як выхоўваць у вучнях любоу да мастацтва, традыцыйнай культуры і Радзімы, расказала нязменны кіраўнік ансамбля Юлія Шабанова.
— Юлія Міхайлаўна, калі вы ўпершыню акунуліся ў свет музыкі?
— Захапляцца спевамі я пачала ў дзяцінстве. Таму мяне часта можна было ўбачыць на школьнай сцэне падчас розных конкурсаў і ўрачыстасцей. А ў трэцім класе да нас на ўрок завітаў настаўнік з акардэонам у руках. Не перадаць словамі, наколькі мне спадабалася тое маленькае выступление! Я ўлюбілася ў тэты інструмент, яго гучанне і вырашыла ісці ў музычную школу. Шэсць гадоў наведвала заняткі і паралельна акампанавала вакальным ансамблям на разнастайных гарадскіх канцэртах.
— А як сталі педагогам?
— Пераняла эстафету ў сваёй выкладчыцы з Магілёўскага каледжа мастацтваў пасля навучання на харавым аддзяленні. Яна прапанавала паспрабаваць сілы ў ролі настаўніка. Сёння магу адназначна сказаць: педагогіка — маё прызванне.
— У чым бачыце сваю місію?
— На ўласным прыкладзе паказваць, як любіць беларускую народную песню, каб зараджаць гэтым пачуццём гледача. Кожнае выступление ансамбля я імкнуся зрабіць яркім, унікальным, запамінальным для праслаўлення культурнай спадчыны Беларусі. Нядаўна, напрыклад, мы паставілі нумар па матывах абраду “Заручыны”. Падрыхтоўка аказалася неверагодна насычанай і цікавай для дзяцей, ды і публіка ўспрыняла работу на ўра.
— Як фарміруецца калектыў?
— “Травень” — неад’емная частка адукацыйнага гірацэсу. Таму ў асноўным у гурт трапляюць тыя, хто навучаецца на спецыяльнасці “Дырыжыраванне (народны хор)” і асвойвае дысцыпліну “Фальклорны ансамбль”. Некаторых дзяцей я запрашаю сама, калі бачу добрыя вакальныя даныя.
— А што ўяўляе сабой рэпертуар?
— I слухачу, і навучэнцам — па маіх назіраннях — больш падабаецца жанравая разнастайнасць, таму выкарыстоўваем у выступлениях не толькі фальклорныя творы, але і аўтарскія апрацоўкі народных песень. Канчатковы выбар залежыць ад тэматыкі мерапрыемстваў і конкурсных патрабаванняў. Але галоўны прынцып — захаванне і папулярызацыя нацыянальнай культуры праз выхаванне ў моладзі любові да Беларусі.
— Неаднойчы “Травень” станавіўся прызёрам міжнародных фестываляў і конкурсаў, у тым ліку і за мяжой. У чым сакрэт такога поспеху?
— Адказ у трох словах: паразуменне, узаемапавага і дысцыпліна. Менавіта спалучэнне гэтых прынцыпаў у рабоце з калектывам прыносіць па-сапраўднаму каштоўны плён.
— Якое выступление можаце назваць самым значным і яркім?
— Кожны выхад на сцэну запамінаецца асаблівай, непаўторнай атмасферай. Разам з тым радыёконкурс “Маладыя таленты Беларусі”, дзякуючы якому мы здабылі падтрымку і прызнанне на ўзроўні дзяржавы і былі ўдастоены прэміі спецыяльнага фонду Прэзідэнта, лічу самым знакавым.
— З якой праграмай узялі дыплом I ступені?
— У першым туры — адборачным — выконвалі беларускую народную песню “Вечарынанька” у аўтарскай апрацоўцы. Далейшыя два этапы праходзілі ў Доме радыё ў Мінску і атрымаліся дастаткова кантраснымі на эмацыйным узроўні. У другім туры мы выступалі з вясёлай і палымянай “Як пасеяў Андрэй грэчку”, а ў трэцім прадстаўлялі лірычную “Чырвоную вішню”, якая вылучаецца меланхалічнасцю.
— Наколькі складана далася галоўная перамога?
— Падрыхтоўка да конкурсу была вельмі акгыўнай: рэпеціравалі і на планавых навучальных занятках, і пасля іх, і нават на перапынках. Мне ўдалося данесці да дзяцей, што мы павінны дзейнічаць дружна, адказна выконваць свае ролі, каб годна прадставіць каледж. Не абышлося і без хвалявання. Мы загадзя ведалі, што ў асобных выпадках журы можа папрасіць спець штосьці дадаткова, калі сумняваецца ў адзнацы. Але не сутыкнуліся з падобным ні ў другім, ні ў трэцім туры і не разумели гэта добрая ці дрэнная прыкмета? Акрамя таго, выступленні ладзіліся раніцай — не найлепшы час для вакалістаў: голас яшчэ “спіць”.
— Летась калектыў стаў стыпендыятам спецыяльнага фонду Прэзідэнта па падтрымцы таленавітай моладзі. Як вучні сустрэлі навіну аб узнагароджанні?
— 3 захапленнем і радасцю! Калі ўсведамляеш, што твае намаганні заўважаны, з’яўляюцца сілы і натхненне тварыць яшчэ больш.
— Што ў планах?
— Галоўныя мэты, якія стаяць перад калектывам сёння, — праслаўленне беларускай народнай песні і дасягненне прафесіяналізму ў вакальным мастацтве. Таму надалей “Травень” працягне актыўна ўдзельнічаць у конкурсах і канцэртах і радаваць публіку ўнікальнымі нумарамі.
Віялета ГРЫНКЕВІЧ