Шаранговiч, Н. Россып iмёнаў уражвае / Наталля Шаранговiч // Мастацтва. — 2006. — №7. — С. 7.
Магілёўская зямля багатая на традыцыі і спадчыну. Кераміка, іканапіснае майстэрства, гравюра — важкі ўнёсак магілёўскіх майстроў у гісторыю беларускай культуры. На Магілёўшчыне былі створаны шэдэўры беларускага іканапісу «Маці Божая Адзігітрыя Неўвядальны цвет», «Нараджэнне Маці Божай» Пятра Яўсеевіча з Галынца. 3 гэтым прыгожым краем была звязана ў XIX стагоддзі творчасць знакамітых мастакоў Ф.Тулава, A. і І.Гараўскіх, М.Неўрава. У Лядах нарадзіўся выдатны партрэтыст С.Заранка, у мястэчку Крынкі — класік пейзажнага жывапісу В.Бялыніцкі-БІруля.
Сёння магілёўскія мастакі шчыруюць і развіваюць традыцыі свайго краю. Россып імёнаўуражвае: Г.Конанава, Л.Журавовіч, С.Абрамаў, У.Шпартаў, Б.Пярвунінскіх. А.Концуб, В.Калтыгін, Ф.Кісялёў, ЛЛіханенка, У.Рубцоў, В.Юркова, Л.Несцярук, А.Ясюкайць… Гэта — старэйшае пакаленне, мастакі іеаднойчы выстаўляліся ў Мінску, маюць сваіх прыхільнiкаў і сталае месца ў найноўшай гісторыі краю. Побач — творы маладзейшых, што аявілі пра сябе на пачатку 1990-х: А.Вераб’ёў, І.Бяспалаў, Т.Сотнікава, Ц.Абрамаў, І.Кустава, А.Ткачоў…
Тэм і сюжэтаў, якія цікавяць магілёўскіх творцаў, мноства. Лучыць мастакоў імкненне да філасофскіх абагульненняў, да інтэлектуальнай гульні, а таксама адсутнасць пафасу нават пры распрацоўцы сацыяльна значньгх тэм. Многія аўтары звяртаюцца да свайго ўнутранага свету, да філасофскіх разваг. Гэтая тэндэндыя назіраецца ў партрэтах, тэматычных карцінах. Але асабліва заўважна яна ў пейзажных творах, прасякнутых любоўю да роднай зямлі, паэтычным замілаваннем і цікавасцю да абрадаў, звычаяў краю, да побытавых рэчаў і укладу жыцця мясцовага люду.