Чароўная сіла анімацыі : учора ў Магілёве абвясцілі пераможцаў XXI Міжнароднага фестывалю анімацыйных фільмаў «Анімаёўка-2022» // Культура. — 2022. — 29 кастрычніка. — С. 6.
Гран-пры заваявала рэжысёр Нацыянальнай кінастудыі “Беларусьфільм” Ірына Тарасава, якая прадставіла на конкурсе работу аб Халакосце “263 ночы”. Яна таксама перамагла ў намінацыі “Найлепшы анімацыйны фільм”.
За чвэрць стагодцзя форум стаў сімвалам культурнага жыцця ў горадзе на Дняпры. У мясцовых жыхароў фестывальныя дні заўсёды асацыіруюцца з яркімі фарбамі і станоўчымі эмоцыямі.
Анімацыйныя фільмы, дзідячая анімацыйная творчасць, дзіцячая выяўленчая і дэкаратыўна- прыкладная творчасць — конкурсный праграмы былі разлічаныя на розньм ўзрост і густ. Работы ацэньвалі сапраўдныя майстры сваёй справы, такія як заслужаны дзеяч мастацтваў Расійскай Федэрацыі, мастак-аніматар Леанід Носыраў, мастак-пастаноўшчык студыі анімацыі “Беларусьфільма” Таццяна Кубліцкая, член Беларускага саюза мастакоў Сяргей Сотнікаў. Журы выбрала больш за 20 уладальнікаў крыштальных алоўкаў.
Павітаць гасцей і ўдзельнікаў юбілейнай “Анімаёўкі” прыехаў намеснік міністра культуры Рэспублікі Беларусь Сяргей Саракач, які сказаў: “Знаходзячыся на гэтай сцэне, успамінаю словы вялікага кінарэжысёра: кіно — тэта экран з мноствам крэслаў, якія неабходна запоўніць. Няхай кіназала «Анімаёўкі» заўсёды будзе напоўнена яскравымі эмоцыямі і бясконцымі авацыямі”.
Зачытваючы прывітальны адрас ад міністра культуры Анатолія Маркевіча, Сяргей Саракач заявіў, што “Анімаёўка” — значная культурная падзея не толькі для жыхароў рэгіёна, але і для ўсёй Беларусь “Захаванне добрай традыцыі на працягу 25 гадоў — верная прыкмета заможнасці і запатрабаванасці аніматараў сёння. Наш фестываль — адна з нямногіх кінападзей, прысвечаных дзіўнаму свету мультыплікацыі, яго творчым поспехам, сяброўскаму супрацоўніцтву, любові да справы і жаданню несці новае і прыгожае. «Анімаёўка» не толькі дэманструе асноўныя напрамкі сучаснай анімацыі, але і дапамагае зразумець жыццё, культуру і менталітэт іншыхкраін”.
Тры дні госці і ўдзельнікі мультыплікацыйнага форуму, дзякуючы творчым сустрэчам, знаёміліся з вядомымі адмыслоўцамі і пераймалі ўнікальны досвед. Напрыклад, на аўтарскім майстар-класе “Анімацыя ў тваім смартфоне” рэжысёр ігравога і анімацыйнага кіно, сцэнарыст, прадзюсар, член Саюза кінематаграфістаў Раей Сяргей Струсоўскі так абазначыў мэту фестывалю: “Ёсць філасофская думка: у мастацтве чалавек пражывае сваё другое жыццё. Гэта той досвед, які людзі набываюць, верагодна, каб не рабіць дрэнных учынкаў, каб імкнуцца да светлага і высокага. Мне падаецца, менавіта дзеля таго «Анімаёўка» павінна жыць і развівацца”.
А на ўрачыстым адкрыцці намеснік старшыні Магілёўскага аблвыканкама Валерый Малашка падкрэсліў: “У 25-ы раз «Анімаёўка» прыйшла да нас, расквечаная сцягамі практычна з усяго свету. Мусіць, у гэтым унікальнасць падзеі. Нягледзячы на тое што дарослыя вызначаюць, хто ў свеце галоўны, — дзеці заўсёды галасуюць за мір. Анімацыя — гэта мастацтва, якое нясе добрае, вечнае!”